នាព្រឹកថ្ងៃទី២៨ ខែមេសា ឆ្នាំ២០២៦ ឯកឧត្តម ហាប់ ទូច រដ្ឋលេខាធិការប្រចាំការ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានទទួលជួប លោក គឹម សុទ្ធា ប្រធានក្រុមប្រឹក្សាភិបាល និងគណៈគ្រប់គ្រងក្រុមហ៊ុន ហ្គ៊ូប៊ីក ឯ.ក (GUBIC CO., LTD) ដើម្បីសម្តែងការគួរសម និងសុំផ្តល់យោបល់ស្តីពីដំណើរការនៃការអភិវឌ្ឍក្រុមហ៊ុន និងស្នាដៃក្នុងកិច្ចសហប្រតិបត្តិការនានា នាពេលកន្លងមក ក្នុងនាមជាក្រុមហ៊ុន ស្ថាបបត្យកម្ម និងសាងសង់។

រដ្ឋាភិបាលជប៉ុន​ តាមរយៈក្រសួងបរិស្ថានបានផ្តល់ជូន រថយន្តដឹកសំរាមមួយគ្រឿងដល់អាជ្ញាធរជាតិព្រះវិហារ ដេីម្បីប្រេីប្រាស់រួមចំណែកក្នុងការលេីកកម្ពស់អនាម័យបរិស្ថាន និងការគ្រប់គ្រងសំរាមអោយកាន់តែមានប្រសិទ្ធភាពនៅក្នុងរមណីយដ្ឋានបេតិកភណ្ឌពិភពលោកប្រាសាទកោះកេរ។

ក្រុមអ្នកបច្ចេកទេសនៃអាជ្ញាធរជាតិអប្សរា កំពុងដំណើរការជួសជុលជញ្ជាំងកំពែងធ្វើពីថ្មបាយក្រៀមរបស់ក្រុងអង្គរធំប្រវែង១៥ម៉ែត្រ នៅផ្នែកខាងត្បូង ឆៀងខាងលិចនៃខ្លោងទ្វារទន្លេអុំ ដែលកំពុងរងការខូចខាត ឱ្យប្រសើរឡើងវិញ។ 

នៅថ្ងៃទី២៥ ខែមេសា ឆ្នាំ២០២៦ វេលាម៉ោង ៣ រសៀល ឯកឧត្តម គង់ វីរៈ អនុរដ្ឋលេខាធិការនៃក្រសួងវប្បធម៌និងវិចិត្រសិល្បៈ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យរដ្ឋមន្ត្រី បានទទួលស្វាគមន៍ ឯកឧត្តម Kęstutis Budrys រដ្ឋមន្ត្រីការបរទេសលីទុយអានី នៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង។