ព្រឹកថ្ងៃពុធ ១០កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦ អាជ្ញាធរជាតិសំបូរព្រៃគុក បានរៀបចំកិច្ចប្រជុំក្រុមប្រឹក្សាភិបាលអាជ្ញាធរជាតិសំបូរព្រៃគុកអាណត្តិទី០៣ លើកទី០៦ ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិសំបូរព្រៃគុក ដោយមានវត្តមានចូលរួមពី​ ឯកឧត្តម លោកជំទាវ​ សមាជិកក្រុមប្រឹក្សាភិបាល

ចាប់ថ្ងៃទី១២ ដល់ ទី១៩ ខែមិថុនា ឆ្នាំ២០២៦ អាជ្ញាធរជាតិព្រះវិហារ ជាអង្គភាពអនុវត្តគម្រោង ស្តារវិស័យទេសចរណ៍បន្ទាប់ពីវិបត្តិកូវីដ-១៩ បាន សម្របសម្រួល វគ្គបណ្តុះបណ្តាលជំនាញឆុងកាហ្វេ និងអភិវឌ្ឍន៍ម្ហូបអាហារ ដល់សមាជិកសហគមន៍ ទេសចរណ៍ នៅក្នុងភូមិធម្មជាតិសម្តេចតេជោហ៊ុន សែន ឃុំស្រអែម ស្រុកជាំក្សាន្ត ខេត្តព្រះវិហារ។ វគ្គបណ្តុះ បណ្តាលនេះ បង្រៀនដោយមន្រ្តីជំនាញមកពីមន្ទីរ ទេសចរណ៍ខេត្តព្រះវិហារ និងមានអ្នកចូលរួមសរុប ៣៨នាក់ (ស្រី២២នាក់)។