ការថែរក្សាសិល្បៈវប្បធម៌ និងអត្តសញ្ញាណជាតិ គឺជាភារកិច្ចរបស់កូនខ្មែរគ្រប់ៗរូប ហើយជាកិច្ចការដែលត្រូវធ្វើដោយយកចិត្តទុកដាក់និងជាប្រចាំ ព្រមទាំងត្រូវផ្តល់បន្តដល់អ្នកជំនាន់ក្រោយ – ក្រសួងវប្បធម៌ និងវិចិត្រសិល្បៈ
Skip to content
ក្រសួងវប្បធម៌ និងវិចិត្រសិល្បៈ
Search
English
ភាសាខ្មែរ
ទំព័រដើម
អំពីស្ថាប័ន
ប្រវត្តិក្រសួង
រចនាសម្ព័ន្ធក្រសួង
តួនាទី និងភារកិច្ច
សាលាជាតិវិចិត្រសិល្បៈ
សាកលវិទ្យាល័យភូមិន្ទវិចិត្រសិល្បៈ
អាជ្ញាធរជាតិអប្សរា
អាជ្ញាធរជាតិព្រះវិហារ
អាជ្ញាធរជាតិសំបូរព្រៃគុក
សារមន្ទីរជាតិកម្ពុជា
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង
មន្ទីរ រាជធានី ខេត្ត
បេតិកភណ្ឌវប្បធម៌
បេតិកភណ្ឌវប្បធម៌រូបី
បេតិកភណ្ឌវប្បធម៌អរូបី
បញ្ជីបេតិកភណ្ឌពិភពលោក UNESCO
ព័ត៌មាន និងព្រឹត្តិការណ៍
ព័ត៌មាន
ព្រឹត្តិការណ៍
សេចក្តីជូនដំណឹង
លិខិតបទដ្ឋានគតិយុត្ត
ព្រះរាជក្រឹត្យ
អនុក្រឹត្យ
ប្រកាស
សារាចរណ៍
សេចក្តីសម្រេច
ច្បាប់ស្តីពីសិទ្ធិអ្នកនិពន្ធ និងសិទ្ធិប្រហាក់ប្រហែល
គោលនយោបាយ
បណ្តុំឯកសារ
បណ្ណាល័យឌីជីថល
សៀវភៅ
ឯកសារវីដេអូ
ឯកសាររូបភាព
ឯកសារពីដៃគូរអន្តរជាតិ
សេវាសាធារណៈ
វិស័យភាពយន្ត
សេវាផ្នែកសិទ្ធិអ្នកនិពន្ធ
ការស្នើសុំលិខិតអនុញ្ញាតនាំចេញ-នាំចូលវត្ថុសិល្បៈ
ទំនាក់ទំនង
Search
ការថែរក្សាសិល្បៈវប្បធម៌ និងអត្តសញ្ញាណជាតិ គឺជាភារកិច្ចរបស់កូនខ្មែរគ្រប់ៗរូប ហើយជាកិច្ចការដែលត្រូវធ្វើដោយយកចិត្តទុកដាក់និងជាប្រចាំ ព្រមទាំងត្រូវផ្តល់បន្តដល់អ្នកជំនាន់ក្រោយ
31 ខែមីនា, 2026
ព័ត៌មាន
,
ព័ត៌មានជាតិ
ថ្លែងក្នុងឱកាសពីបិទវេទិកាយុវជនក្នុងកិច្ចការពារវប្បធម៌ ក្រោមប្រធានបទ រួមគ្នាលើកស្ទួយសិល្បៈវប្បធម៌ នាល្ងាចថ្ងៃទី៣០ ខែមីនា ឆ្នាំ២០២៦ លោកជំទាវបណ្ឌិតសាស្ត្រាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈបានលើកឡើងថា ការថែរក្សាសិល្បៈវប្បធម៌ និងអត្តសញ្ញាណជាតិ គឺជាភារកិច្ចរបស់កូនខ្មែរគ្រប់ៗរូប ហើយជាកិច្ចការដែលត្រូវធ្វើដោយយកចិត្តទុកដាក់និងជាប្រចាំ ព្រមទាំងត្រូវផ្តល់បន្តដល់អ្នកជំនាន់ក្រោយ។ លោកជំទាវក៏ថ្លែងនូវការកោតសរសើរ និងវាយតម្លៃខ្ពស់ចំពោះតួនាទីគន្លឹះរបស់ប្អូនៗជាផលិតករ អ្នកបង្កើត មាតិកាកម្សាន្ត សិល្បករសិល្បការិនីទាំងក្នុងនិងក្រៅប្រព័ន្ធ ដែលបានចូលរួមយ៉ាងសកម្មទាំងក្នុង ក្របខណ្ឌការងារ របស់ក្រសួងស្ថាប័ន និងទាំងក្របខណ្ឌផ្ទាល់ខ្លួន ចំពោះការគាំទ្រ និងការរួមចំណែកយ៉ាងសំខាន់ ដល់ការថែរក្សាសិល្បៈវប្បធម៌ដ៏ផូរផង់បន្សល់ទុកពីដូនតាយើង ព្រមទាំងដើរតួនាទីក្នុងការ ផ្សព្វផ្សាយ សិល្បៈវប្បធម៌ជាតិដ៏ថ្លៃថ្លានេះលើឆាកជាតិ អន្តរជាតិ ពិសេសតាមរយៈការផ្សព្វផ្សាយនេះ បានក្លាយជាស្ពាននាំកម្ពុជាទៅកាន់ពិភពលោក។
ក្នុងឱកាសនោះ លោកជំទាវបណ្ឌិតសភាចារ្យក៏បានផ្តល់កិត្តិយសប្រគល់បណ្ណថ្លែងអំណរគុណជូនដល់ អ្នកជួយឧបត្តម្ភ វាគ្មិនកិត្តិយស សិល្បករ សិល្បការិនី អ្នកផលិតមាតិកាលើបណ្តាញសង្គម ព្រមទាំងក្រុមការងារពាក់ព័ន្ធផងដែរ។
គួរបញ្ជាក់ជូនថា វេទិកាយុវជនក្នុងកិច្ចការពារវប្បធម៌ ក្រោមប្រធានបទ រួមគ្នាលើកស្ទួយសិល្បៈវប្បធម៌ សហការរៀបចំដោយក្រសួងវប្បធម៌និងវិចិត្រសិល្បៈ និងនាយកដ្ឋានជំរុញចលនាវប្បធម៌ សាសនា និងប្រវត្តិសាស្រ្តនៃសហភាពសហព័ន្ធយុវជនកម្ពុជា ក្នុងគោលបំណងដើម្បីបង្កើតទំនាក់ទំនងកិច្ចសហការឲ្យកាន់តែជិតស្និតរវាងក្រសួង និងវិស័យឯកជន ពិសេសសិល្បករសិល្បការិនី អ្នកផលិតមាតិការកម្សាន្តក្នុងការបណ្តុះស្មារតីស្រឡាញ់ ថែរក្សា និងចូលរួមផ្សព្វផ្សាយឲ្យកាន់តែទូលំទូលាយប្រកបដោយភាពសុក្រឹត្យត្រឹមត្រូវ រក្សាបាននូវក្បួនខ្នាតនៃទម្រង់សិល្បៈវប្បធម៌ សំលៀកបំពាក់ប្រពៃណី និងសេចក្តីថ្លៃថ្នូររបស់ជាតិសាសន៍យើង។
បន្ថែម :
Cultural Arts
,
National Identity